ضيف الاسبوع التاني يتشرفـ الاخـ (السهل الممتنع) بأن يكون الضيف التاني في الكرسي الاعتراف

في هآذآ الاسبوع وقع الاختيآرعلى

عضو نشيط .. حضوره رآقي

يمتلكـ حسـ الدعابه .. جميلـ بردوده

رائع بكلماته

رحبوا معي أصدقائي بالعضو العزيز

المبدع ( السهل الممتنع )

ومثل الاسبوع السابق

لاتوجد أي قوانين او مشرفين على كرسي الاعتراف

ههههههههههههههههههههههههههههههههههههه
انشاء الله مرتاح في الكرسي

توا معنديش لك اسئلة لكن حبيت انقول بالتوفيق

وليا عودة بأسئلة مش عادية

اهلين وسهلين ومرحبتين ان شاء الله غير عجباتك التقعميزة المبدئية على الكرسي ... خود راحتك اليوم مش حيجوك هلبة اسئلة ...

توا بما ان حنى كاعضاء ما نعرفوش عليك هلبة حاجات ،، بنحاول نركز على المعلومات الشخصية عليك باش الواحد يعرف شن بيسال لما يخش يزورك مرة تانية وتالتة ان شاء الله .... انا ما نبيش نلوم عليك علاش مازرتنيش لما قعمزة عالكرسي لكن اكيد ظروف قاعد تراقب من بعيد . وعارف ان الاسبوع الجاي الدور عليك ....

نبدو بسم الله ....

1* لو قتلك عرفنا بنفسك شن يكون جوابك ؟

2* اي سنة تخرجت من المعهد ؟ وتخصصك ؟ وهل هو رغبة شخصية مجال دراستك طبعا ؟

3* مع اي فريق تشجع الاتحاد * الاهلي ؟ ولوتشجع في اي فريق تاني ياريت تعرفنا بيه ..؟

معليشي سامحني لي عودة خلي انحضر اسئلة باهية هدا قاعد تمهيد باش نشوف انت شني بالضبط ..... وفي الاصل قاعدة دايخة من الكرسي ...

السلام عليكم
***
**
*
توا خود أربع أسئلة وبعتالي تو نتفاهموا في الباقي
*
**
***
س 1 / هل من الممكن أن تذكر لي مبادي المحاسبية ؟
س 2 / لماذا سميت نفسك بهذا الاسم ؟
س 3 / ماهي أفضل مدينة أو قرية عندك في ليبيا ؟
س 4 / هل تحفظ بعض من الشعر ؟ و هلهلها لنا لو سمحت ؟

السلام عليكم
كف الحال نشاء الله الكرسي مريح معن صورته ولعه فيه النار تخوف
عندي كم سؤل انشاله تجوبهم

------------------
س1: أما دفعه تجرجت كم كان تقديرك
س2: شن أكتر مادة محبتهاش
س3: وماهي أكتر مادة حبيتها

بسم الله
مرحبا خوي السهل الممتنع
س1:ـ من أكثر عضو تتمتع بقرأت مواضيعه؟
س2:ـ وين تفوت وقت فراغك؟
واتمنى أن تقضي وقت ممتع في هذا الكرسي

السلام عليكم ورحمة الله وبركاته

اولا اشكر الاخوة ادرة المنتدي علي المقدمة الرائعة

ثانيا انا ارحب باسئلتكم واتمني ان اوفق في الاجابة علي اسئلتكم التي اتمني ان تكون سهلة

اخوكم السهل الممتنع

السلام عليكم ورحمة الله وبركاته
اهلا بيك lovely girl ونبارك علي الخطوبة وان شاء الله ربي ييم لك بخير
وبالنسبة للكرسي زي ما تشوفي والعة فيه النار
نبدو بسم الله انجاوب علي اسئلتك

1* لو قتلك عرفنا بنفسك شن يكون جوابك ؟
انت شن تبي تعرفي بالزبط

2* اي سنة تخرجت من المعهد ؟ وتخصصك ؟ وهل هو رغبة شخصية مجال دراستك طبعا ؟
تخرج في سنة 2006 بالتحديد فصل الربيع نقشت مشروعي يوم 01/08/2006 الدفعة 29
تخصص محاسبة
الحمد لله هو رغبة شخصية

3* مع اي فريق تشجع الاتحاد * الاهلي ؟ ولوتشجع في اي فريق تاني ياريت تعرفنا بيه ..؟
طبعا انا انشجع في الاهلي طرابلس
الميلان ايطاليا
برشلونة اسبانيا
مانشستر يونايتد انجلتر

وتفضلي اي اسئلة اخري ما عندكش مشكلة

مشقولتك لي عودة
بأسئلة مش عادية

س1/ تعرف اسم السهل الممتنع بكلمة وحدة؟
س2/ شن احسن حاجه عاجباتك فـي المنتدى من غير انك امقعمز على الكرسي؟
س3/ نبيك نفتح تاليفونك واتشوف الرصيد قداش واتقوللنا علية؟وشن الشفرة لعندك ؟
س4/ كل انسان عنده احلام واهذاف ؟ نبي نعرف شن هي احلامك واهذافك؟ وهل تحققو ملا مزال؟
س5/ حصلت على خدمة بعد التخرج؟ وقداش قعدت حتى تلقا خدمة؟

وياسر من القصقيص لتوا
ليا عودة بأسئلة مزال احلى

السلام عليكم ورحمة الله وبركاته

اهلا بيك يا قاضي الارقام

بسم الله انجاوب علي اسئلتك

س 1 / هل من الممكن أن تذكر لي مبادي المحاسبية ؟
1-مبدا التكلفة التاريخية
2-مبدا مقابلة المصروفات بالايرادات
3- مبدا وحدة القياس
4-مبدا الحيطة والحذر
5- مبدا الافصاح التام
والحق هذة المبادي اللي نذكر فيها لكن كنت انقدر انطلعهم من الانترنت ودير نسخ لصق
وبعدين انت تعرفي ان النظري ما نحباش ولا نحفظ فيه
س 2 / لماذا سميت نفسك بهذا الاسم ؟
يعني الشي بسيط وسهل ولكن يصعب الوصول اليه وليس مستحيل انك توصله
س 3 / ماهي أفضل مدينة أو قرية عندك في ليبيا ؟
لـــيــبــيــا
س 4 / هل تحفظ بعض من الشعر ؟ و هلهلها لنا لو سمحت ؟
في الحقيقة انا انحب الشعر لكن مش حافظ شعر عندي شوية اشعار مخزنهم في الكمبيوتر
خود الشعر هذا

يا ريتني نحول وانت زينه... كل يوم نا وإياك في جردينه

يم الميامي حور... يا ريتني طاير معاك أندور
ومعانا رفيقي وصاحبي فرفور... أيقول هبلا في الجو ويلاقينا
وانلفوا ورود مفتحه وزهور... ونطيرو ولا دبور يوصل فينا
ونشموا روايح فايحه وعطور... وزاد نطربو البستان بأغانينا
ومعاك طول عمري أنكمله مسرور... المولي كريم يحقق أمانينا
يا ريتني نحول وانت زينه... كل يوم نا وإياك في جردينه

وحذا الحيطة أنحقه... رفيق عمرنا والله بوفرفطه
مزخرف جناحه بفن يعجب خطا... معاه نقعدوا أناجوه ويناجينا
وفرفور يتنقز فوق محلا نطا... و جايب هدية فرحنا يهدينا
و قدامنا تسبح صغار البطة... وإحنا فراحا وماسكين أيدينا
وين شافنا الهبوط زاد توطأ... نزل من العلالي جاي بيحينا
يا ريتني نحول وانت زينه... كل يوم نا وإياك في جردينه
يا ريتني نحول... كل يوم عالزهره معاك أنجول
انعيشو طرابه عمرنا بالطول... وفصل الربيع بطيبة يزهينا
ونحطوا رفاقه في أزهار الفول... ومنها نطيروا فوق من يسمينا
لا نفسدوا ولا ناكلوا محصول... نمصوا الرحيق ومصته تكفينا
ونعيشوا تملي لا خبر لا قول... ولا بشر حاسدنا أيراقب فينا
يا ريتني نحول وانت زينه... كل يوم نا وإياك في جردينه
ياريت لي جنحاني... أنطير وين ما عين البشر تاراني
مع اللي ديما مالكه وجداني... في الجو نسبح شابكين أيدينا
ونعيشوا طرابه لا هموم أنعاني... كيف ما انتمنوا ربنا يعطينا
يا ريتني نحول وانت زينه... كل يوم نا وإياك في جردينه

السلام عليكم ورحمة الله وبركاته
اهلا بيك يا call of duty

بسم الله انجاوب علي اسئلتك

س1: أما دفعه تجرجت كم كان تقديرك
الدفعة رقم 29 تقديري كان جيد جدا 77.08

س2: شن أكتر مادة محبتهاش
العلوم السلوكية

س3: وماهي أكتر مادة حبيتها
المحاسبة بصفة عامة

السلام عليكم ورحمة الله وبركاته
اهلا بيك خوي الكنغ+البنرس

بسم الله انجاوب علي اسئلتك

س1:ـ من أكثر عضو تتمتع بقرأت مواضيعه؟
انا نستمتع بقراءة اي موضوع جميل بغض النظر علي من كاتب الموضوع
س2:ـ وين تفوت وقت فراغك؟
مع اصحابي والا في الانترنت والا انتفرج علي التلفزيون

السلام عليكم ورحمة الله وبركاته
مرحبا يامشرفنا العزيز too goo

بسم الله انجاوب علي اسئلتك

س1/ تعرف اسم السهل الممتنع بكلمة وحدة؟
السهل الممتنع
س2/ شن احسن حاجه عاجباتك فـي المنتدى من غير انك امقعمز على الكرسي؟
الاعضاء اللي في المنتدي
س3/ نبيك نفتح تاليفونك واتشوف الرصيد قداش واتقوللنا علية؟وشن الشفرة لعندك ؟
ليبيانا 7043
المدار 18530
بالدرهم طبعا
س4/ كل انسان عنده احلام واهذاف ؟ نبي نعرف شن هي احلامك واهذافك؟ وهل تحققو ملا مزال؟
هدفي ان اخد اعلي شهادة في مجال المحاسبة
مازال ما تحققش
اما الاحلام في النوم فقط
س5/ حصلت على خدمة بعد التخرج؟ وقداش قعدت حتى تلقا خدمة؟
تحصلت علي خدمة
انا تخرجت في شهر 8 /2006 وخدمت في شهر 2/ 2007 يعني قعد 6 اشهر بس

ولا يهمك خود راحتك في القصقصة

...السلام عليكم
.....اهلا وسهلا خوتي انا طبعا اول مرة انشارك في الموضوع القوي هذا واول لمسة ليا
...اولا ...
... نبي نلقي تحية للمشرف الرائع ذوي الافكار الرائعة والقوية علي هذا الموضوع الاكتر من روعة
...((كرسي الاعتراف))
...اللي من خلاله نعرفو شخصية العضو وانخشو لقلبه بطريقة مش عادية وهي اسئلته بدون حدود ..
...تانيا:-
...نشكر اختي العزيزة Lovely girl وانقوللها الله غالب ما لحقت عليك بس مش مهم يكفي ان الاعضاء
...كفو ووفو بالذات الزير سالم المتقن
...نبي انقولك كنتي رائعة في اجابتك وجريئة لابعد الحدود وكنتي روعة في اسلوبك
...وثقتك بنفسك خيالية وواضح ان عقلك كبير وتفكيرك واسع ونمط حياتك حلو وكنتي ضيفة رائعة
...وما استسلمتي للكرسي ابدا ..وانهنيك الف الف مرة ونشكرك شكر خاص ليك
...وربي يوفقك في حياتك الجديدة وصدقيني لو انتي فعلا هكي اكيد حياتك رح تنجح
...ورح اتكوني سعيدة.لان بداخلك انسانة طيبة محترمة مثقفة وواعية ....وربي يحفظك.......
....ثالثا
:-...اهلا بالضيف العزيز المش عادي اخوي السهل الممتنع
...معليشي خديت فترة نوجه تحية لي lovle girl لاني ما لحقت عليها
...والحمد لله لحقت عليك انت
...طبعا من اجابتك السابقة واضح انك واثق من نفسك هللبة وعاجبك المكان ومرتاح في الكرسي
...لكن لازم نزعجك شوية بكم سؤال باش نتعرفو علي قلبك وطبعك ....

..............................
..............................
.............................
...س1:- كم حافظ سورة من القران الكريم........؟؟
...س2:-كم ليك ما قريت سورة الكهف في يوم جمعة ..؟
...س3:- كم تجلس ساعة علي الانتر نت وشن تتصفح من غير المنتدي
...س4:-كم ليك ما خشيت للمعهد بعد اخر زيارة ليك؟
...س5:-كم صديق منفصل عليه بسبب خصام او مشكلة معينة..؟
...س6:- قولي الحاجات الحلوة اللي ريتها في الحياة...؟
...س7:- لو كشفنا علي قلبك شن اكتر حاجة نلقوها فيه ....؟
...س8:- لن تحكيلنا علي البنت الليبية بصفة عامة شن منظورك ليها في مجتمعنا.بالتفصيل لو سمحت ..؟
...س9:-كم اسم بنت عشوائي في نقالك وكم ايميل بنت عشوائي في ايميلك ...؟
..................((طيعا عشوائي يعني مش قريبة ولا زميلة ولا معرفة قديمة ))...
...س10:- ممكن اتقولنا مواصفات فتاة احلامك اللي تتمناها زوجة ...
...س11:- هل لقيتها اثناء دراستك في المعهد او في شغلك او اي مكان ..؟
...س12:-هل أنت أكثر واقعية ومنطقية أم انك اكثر خيال؟
...س13:-هل أنت من النوع الذي يصدر قراراته عن طريق المنطقية والواقعية والحقيقة ويقول آرائه بصدق حتى وان تسبب ذلك بجرح مشاعر الآخرين.....أم انك من النوع الذي يستخير مشاعره قبل إصدار القرارات و إبداء الآراء حتى وان تسبب ذلك بقول(كذبة بيضاء) ؟

...س14:-هل تفضل السير على جدول معين لخططك أم انك لا تفضل الالتزام بالجداول
...وتسيركما يقولون على التسهيلات؟(( علي البركة يعني))

...س15:-سؤال اخير هل اقتناصك لاسمك ووضع الصور وطرح مواضيعك تاخد فيها بطريقة علي انها
...عادية وعاجباتك او لاتعنيلك شيء معين وبالله عليك قولنا لو تعنيلك سواء الصورولا المواضيع او الاسماء
...وليش صورة النمر بالذات ...؟؟؟؟؟؟؟

.................شكلي كترت عليك لكن لو جاوبت بصدق وصراحة يعني اكتفيت للوصول لقلبك وشخصيتك
.........وعلي فكرة يا خوي انت في نظري من المميزين في المنتدي والرائعين مهما كانت اجابتك..
.....ووصفتك في السابق الداخل بقوة والي الان انت من اكتر الاعضاء قوة في المنتدي
.....واتمني لك التوفيق الدائم في حياتك العملية والعلمية ....

.......اخوك في الله....روبن هود 085
...........................................085

السلام عليكم ورحمة الله تعالى وبركاته
اولا مبارك عليك كرسي الاعدام قصدي كرسي الاعتراف وانشاء الله يتربى في عزك
ارجو عدم الاجابة بنعم او لا قدر الامكان لان التوضيح يهمني
س.1 ماهو الشي الذي تشعر بانه ينقصك فعلا
س.2 هل هناك تعريف واضح لماهية الخيانة بالنسبة لك ؟ وهل شعرت يوما بانك خنت غيرك بطريقة مباشرة أو غير مباشرة وبحسن نية أو بنية خبيثة
وهل تعرضت للخيانة يوما ؟
س.3 هل راودك شعور بانك تبطن غير ما تظهر ؟ وهل تحب لاخيك ما تحب لنفسك ؟
س.4 ما هو المستحيل بنظرك ؟ وما هو الشيي الذي ترى انه يستحيل عليك تحقيقه ؟ وفكنا من الجو امتع لا ياس مع الحياة ومش عارف شني
س.5 هل واجهت مشكلة ما اثناء دراستك في المعهد مع احد الطلاب او اعضاء هيئة التدريس وكيف انتهت ؟ ومع من بالتحديد
س.6 اين كتاب الله تعالى من وقتك
س.7 كيف يمكن لك ان تصف لنا شخصيتك بجملة واحدة فقط ؟
س.8 ما نسبة رضاء والديك عنك بنظرك الشخصي؟ الرجاء اعطاء نسبة مئوية
س.9 ما مدى انفعالك وانت تتحث مع شخص غير محترم بنظرك
س.10 كيف تقوم بتقييم الناس وخاصة التريس

السلام عليكم ورحمة الله وبركاته

أهلا بيك خوي روبن هود ان شاء نقدر أنجاوب علي أسئلتك الكثيرة

وبالنسبة للثقة في النفس انقول بيت الشعر هذا

نحن تريس نفعلوا وانقدوا ... واندقوا مسامير في الهواء ويشدوا

بسم الله أنجاوب علي أسئلتك

...س1:- كم حافظ سورة من القران الكريم........؟؟
حافظ جزاء عم بس ( الحق الواحد مقصر في حفظ القران )

...س2:-كم ليك ما قريت سورة الكهف في يوم جمعة ..؟
تقريبا أخر مرة قريت فيه سورة الكهف قبل 4 جمعات

...س3:- كم تجلس ساعة علي الانتر نت وشن تتصفح من غير المنتدى
تقريبا من 4 إلي 8 ساعات
أتصفح المنتدى وبعض المنتديات الاخري زى منتدى كوررة ومنتدى المحاسبين العرب وغيرهم وبعض المواقع الاخري

...س4:-كم ليك ما خشيت للمعهد بعد أخر زيارة ليك؟
لم خذيت الإفادة يعني من أخر 2006

...س5:-كم صديق منفصل عليه بسبب خصام أو مشكلة معينة..؟
الحمد لله كل أصدقائي أموري معهم مية مية

...س6:- قولي الحاجات الحلوة اللي ريتها في الحياة...؟
عندما نجحت في الشهادة الإعدادية وبعد ما نقشت المشروع
والحق إلي حد ألان ما شفت حاجة حزينة جدا

...س7:- لو كشفنا علي قلبك شن اكتر حاجة نلقوها فيه ....؟
طبعا الـــدم ( خليط من المشاعر والأحاسيس )

...س8:- لن تحكيلنا علي البنت الليبية بصفة عامة شن منظورك ليها في مجتمعنا.بالتفصيل لو سمحت .
البنت الليبية جميلة نوعا ما تحب كثرة الكلام وما عندهاش الروح مع القصقصة وطولة اللسان مثقفة نوعا ما مغرورة ومتكبرة تربة خصبة للتقليد المسلسلات خصوصا في اللبس باقي الحاجي زي العواطف زي الحب والرومانسية مش عارف لان مجرتش قبل مع بنت حب باش نحكم عليها وهذة نظرتي من بعيد ومما نشاهده عن بعد قد يكون الواقع مغاير تماما لما ذكرت فارجو من الاخوات ما يزعلوش مني

وطبعا مش كل البنات زي بعض

...س9:-كم اسم بنت عشوائي في نقالك وكم ايميل بنت عشوائي في ايميلك ...؟
..................((طيعا عشوائي يعني مش قريبة ولا زميلة ولا معرفة قديمة ))...
في النقال ما فيش ولا اسم بنت عشوائي
والايمل حوالي 9

...س10:- ممكن اتقولنا مواصفات فتاة احلامك اللي تتمناها زوجة ...
اولا تخاف الله وبنت ناس وتقدر الحياة الزوجية
ثانيا اجيبك كما قال حكم عندما سئل نفس السوال
أريدها ليست جميلة لكي لا يطمع فيها غيري
ولا بالقبيحة فتشمئز منها نفسي
ولا بالطويلة فأرفع إليها هامتي
ولا بالقصيرة فأطأ لها رأسي
ولا بالسمينة فتسد علي منافذ النسيم
ولا بالهزيلة فأحسبها حبالي
ولا بالبيضاء فتكون كالشمع
ولا بالسوداء فتكون كالشبح
ولا بالجاهلة فلا تفهمني
ولا بالفيلسوف فترهقني
ولا بالغنية فتقول مالي
ولا بالفقيرة فتذل من بعدي
وخير من كل ذلك ذات الدين

...س11:- هل لقيتها اثناء دراستك في المعهد او في شغلك او اي مكان ..؟
لا مالقيتهاش

...س12:-هل أنت أكثر واقعية ومنطقية أم انك اكثر خيال؟
مزيج بين الاثنين وأميل للمنطقية

...س13:-هل أنت من النوع الذي يصدر قراراته عن طريق المنطقية والواقعية والحقيقة ويقول آرائه بصدق حتى وان تسبب ذلك بجرح مشاعر الآخرين.....أم انك من النوع الذي يستخير مشاعره قبل إصدار القرارات و إبداء الآراء حتى وان تسبب ذلك بقول(كذبة بيضاء) ؟
علي حسب نوع القرار أحيانا تكون قرارات منطقية وأحيانا استخير مشاعري قبل إصدار القرار

...س14:-هل تفضل السير على جدول معين لخططك أم انك لا تفضل الالتزام بالجداول
...وتسيركما يقولون على التسهيلات؟(( علي البركة يعني))
أحاول أن أضع جدول ولكن لا استطيع الالتزام به

...س15:-سؤال اخير هل اقتناصك لاسمك ووضع الصور وطرح مواضيعك تاخد فيها بطريقة علي انها
...عادية وعاجباتك او لاتعنيلك شيء معين وبالله عليك قولنا لو تعنيلك سواء الصورولا المواضيع او الاسماء
...وليش صورة النمر بالذات ...؟؟؟؟؟؟؟
بالنسبة للمواضيع / اختاره لأنها تعجبني إما من ناحية المضمون أو من ناحية طريقة كتابة الموضوع وأشياء أخري
بالنسبة للاسم / تقدر تشوف إجابتي علي سوال قاضي الأرقام
بالنسبة للصورة / هي صور شبل أسد وليس نمر ، وأنا أنحب الأسد بصفة خاصة لانه رمز للقوة والهيبة

بارك الله فيك ياخوي روبن هود علي الأسئلة الطويلة والحق تعبت هلبة باش جاوبت عليها

إن شاء الله تكون وصلت اللي تبيه من إجابتي علي أسئلتك

وتفضل أي أسئلة اخري ما عندكش مشكلة

اولا اهلا بيك ياخوي الزير سالم وبارك الله فيك وان شاء الله العقبالك وتقعمز علي كرسي الاعدام قصدي كرسي الاعتراف
بسم الله انجاوب علي اسئلتك

س.1 ماهو الشي الذي تشعر بانه ينقصك فعلا
طاعة الله علي الوجه الاكمل

س.2 هل هناك تعريف واضح لماهية الخيانة بالنسبة لك ؟ وهل شعرت يوما بانك خنت غيرك بطريقة مباشرة أو غير مباشرة وبحسن نية أو بنية خبيثة
وهل تعرضت للخيانة يوما ؟
بوجهة نظري ان الخيانة ان تفعل شي لشخص ما صديق اخوك اهلك زوجتك زميلك بدون علمه ولا رضاه وهي قمة الرذائل وانت الشي اللي درته ما ترضاش ان حد يديره معاك

واضافلك هذة القصيدة علي الخيانة
الخيانة .......؟
وش الخيانة
كلمة جبانة .... تهز في الشامخ كيـــانة
ملعونة ...... في كل ديانة
هي قمـــــــة الإهـــــــــــانة
هي اصعب كلمة في الوجود تحمل اسي مالة ...... احدودتصوري الخيـــانة منبوذة حتي عند اليهود !!!!!!!

الخيانة؟
تبكي لأجلها ...... العيون
تصيب العاقل بجنون
وتزيد القلب طعون
بعدها يخيم على العالم السكون
الخيانة ....... هي
السهــــــر
قهــــــــر
عمـــــر .... ودهــــــر يضيـــــــع مو يـــــــوم ...... وشهــــر
الخيانة .....؟
هي الضيــــــــــــــــــــــــــاع ؟؟؟
هي المــــــــــــــــــــــــــــوت؟؟؟
هي الـــــــــــــــــــــوداع.....؟؟؟
هي الألــــــــــــــــــــــــم ....؟؟؟
هي كرامـــــــــة تنـــــــــــداس بالقـــــــــــــــــاع....؟!؟!؟!؟!؟
الخيــــــــانة .......؟
تعنــــــــــــــي النهـــــــــــاية وللمــــــــــــــوت بدايــــــــــــــة
الخيــــــانة هي دمــــــوع ...... وسهـــــــر ومـــــرض وحـــــــيرة
يعنــــــي هي
نهـــــــــاية البــــــداية ......... وبدايـــــــــــةالنهــــــــــاية
هــــــذي هي الخيـــــــــــانة

لا لم اشعر باني خنت احد

نعم تعرض للخيانة في الدارسة عندما أعطني الأستاذ درجة علي سوال أنا مجاوب عليه خطاء وكان زميلي اللي في جني مجاوب نفس الإجابة والأستاذ مديرله خطاء فاخذ زميلي الورقتين قتله ما تقولش للأستاذ قالي مش قايله لكن فجئت انه يسال الأستاذ هل إجابة السوال رقم كدا هكذا تكون فقال الأستاذ لا فقال له علاش درت صح لفلان
طبعا طار علي السوال درجتين الدوة هذا في أولي إعدادي
وبعدها الحمد لله لم أتعرض للخيانة

س.3 هل راودك شعور بانك تبطن غير ما تظهر ؟ وهل تحب لاخيك ما تحب لنفسك ؟
احيانا تلقي نفسك مجبر علي ان تبطن غير ما تظهر
احاول ان احب له كل ما احب لنفسي

س.4 ما هو المستحيل بنظرك ؟ وما هو الشي الذي ترى انه يستحيل عليك تحقيقه ؟ وفكنا من الجو امتع لا ياس مع الحياة ومش عارف شني
إن الواحد يقعد حتى قيام الساعة
لا يوجد شي يستحل تحقيقه ولكن يصعب تحقيقه يصعب ان اكون ملياردير ولكن ليس مستحيل

س.5 هل واجهت مشكلة ما اثناء دراستك في المعهد مع احد الطلاب او اعضاء هيئة التدريس وكيف انتهت ؟ ومع من بالتحديد
وجهتني مشكلة بسيطة في المعهد مع احد الأستاذة سواء تفاهم بسيط وكان الخطاء مني أنا وكان في الفصل الرابع وانتهت بتعهد كتابي وكان أول وأخر مشكلة في المعهد
الأستاذ الفاضل / عبد الكريم زقلام ( استاذ مادة الرياضة مالية )

س.6 اين كتاب الله تعالى من وقتك
مقصر مع كتاب الله

س.7 كيف يمكن لك ان تصف لنا شخصيتك بجملة واحدة فقط ؟
ان اصعب سوال ان تقسم علي قول الحقيقة ويكون السوال قيم نفسك

س.8 ما نسبة رضاء والديك عنك بنظرك الشخصي؟ الرجاء اعطاء نسبة مئوية
90%

س.9 ما مدى انفعالك وانت تتحدث مع شخص غير محترم بنظرك
ان تكلم السفيه فلا تجبه ... خير من اجابته السكوت
فان اجابته فرجت عنه ... وان لم تجبه كمدا يموت
****
لو كل كلبٍ عوى ألقمته حجرًا...لأصبح الصخر مثقالاً يدينارِ
****
يخاطبني السفيه بكل قبح .. فأكره أن أكون له مجيباً
يزيد سفاهة فأزيد حلماً .. كعود زاده الاحراق طيباً

س.10 كيف تقوم بتقييم الناس وخاصة التريس
بافعالهم واقوالهم ومواقفهم

شني اكتر حاجه عجبتك في المعهد وشني الحاجه الي متحبهش فيه

السلام عليكم ورحمة الله وبركاته
أهلا بيك أختي خلود العكب

بسم الله أنجاوب علي سوالك

شني اكتر حاجه عجبتك في المعهد وشني الحاجه الي متحبهش فيه

عجبني في المعهد النظام اللي في المعهد واللي لم يعجبني التجاوزات اللي تصير في هذا النظام
عجبني الأستاذة اللي يعطوا كل ذي حق حقه لم يعجبني الأستاذة اللذين يحابون بعض الطلبة سواء كان ابن
أو ابن أخ أو أخ أو ابن صديق أو ابن زميل أو ابن مسؤول أو .... الخ
عجبني الأستاذ الواثق من نفسه الذي يعرف شن المفروض يعطي للطالب لم يعجبني الأستاذ المغرور الذي لا يعرف شن المفروض يعطيه للطالب
عجبني الطلاب المجتهدين اللذين يبدلون قصار جهدهم للوصول إلي النجاح لم يعجبني الطلاب اللذين يتوددون للأستاذة من اجل النجاح
عجبني الطالبة المحترمة اللي فعلا جاية تبي تقرءا لم تعجبني الطالبة اللي امدايرة المعهد معرض أزياء واللي جاية من اجل تضيع الوقت وتضيع الشباب
واللي عجبي اكتر اهتمام الإدارة بصفة عامة بالخرجين أي أن الخريج بعد ما يمشي للمعهد يبي حاجة يساعدوه فيها إذا كانت بالإمكان
رغم إني ما مشيتش للمعهد بعد التخرج لكن هذا شي صاير مع زملائي

وأهلا بك في المنتدى وان شاء الله تعجبك إجابتي

السلام عليكم
أهلين السهل الممتنع
بما انك في كرسي الاعتراف لازم مانحرمكش من اسئلتي بس مش في بالي
نسالك سؤال واحد بس
لاش تحب الاســـود؟ ياترى تخاف منهم و الا لا ؟ (بكــــــــل صراحة)
أختك FULLA.ROSE

...س10:- ممكن اتقولنا مواصفات فتاة احلامك اللي تتمناها زوجة ...
اولا تخاف الله وبنت ناس وتقدر الحياة الزوجية
ثانيا اجيبك كما قال حكم عندما سئل نفس السوال
أريدها ليست جميلة لكي لا يطمع فيها غيري
ولا بالقبيحة فتشمئز منها نفسي
ولا بالطويلة فأرفع إليها هامتي
ولا بالقصيرة فأطأ لها رأسي
ولا بالسمينة فتسد علي منافذ النسيم
ولا بالهزيلة فأحسبها حبالي
ولا بالبيضاء فتكون كالشمع
ولا بالسوداء فتكون كالشبح
ولا بالجاهلة فلا تفهمني
ولا بالفيلسوف فترهقني
ولا بالغنية فتقول مالي
ولا بالفقيرة فتذل من بعدي
وخير من كل ذلك ذات الدين
رايك روعة ياريت كل الرجالة يفكرو زيك

الاهم االأخــلاق

ملا قصقصة ربي يعينك يا وخي

السلام عليكم ورحمة الله وبركاته
اهلا بيك يا اختي fulla.rose وانا ارحب باسئلتك

بسم الله انجاوب علي سوالك
لاش تحب الاســـود؟ ياترى تخاف منهم و الا لا ؟ (بكــــــــل صراحة)
لقد سالني اخي روبن هود نفس السوال واجبت عليه

وبارك الله فيك
وانا تسعدني الاجابة علي اسئلتك فاذا كانت عندك اسئلة اخري عادي تفضلي وما عندكش مشكلة
انا مستعد للاجابة

اخوك السهل الممتنع

السلام عليكم ورحمة الله وبركاته

بارك الله فيك خوي mode.a4

واهلا بيك عضو جديد في المنتدي وان شاء الله يعجبك المنتدي

اخوك السهل الممتنع

هلا هلا هلا

مش قلتلك اني حنرجعلك

هاهاهاهاهاهاهاهاهاهاهاهاهاهااهاهااهاهاهاهاهاهاهاهاها

س1/ قداش مرة فتحت التلاجة اليوم؟

س2/ قداش مرة شرين نليفونك؟ عدد تقريبي؟

س3/ قداش مرة رديت على الباب الحوش؟

س4/ قداش مرة اليوم قلت كلمة ( بسم الله ) و (الحمدل لله ) ؟

س5/ قداش عندك رقم تليفون في النقال؟

س6/ قداش مرة خشيت على المنتدى الطلبة؟

س7/ قداش مرة فكرة فـي الكرسي الاعتراف وتبي اتخش واتشوف الاسأله؟

س8/ قداش سؤال مزال تبي مني؟