lovely girl
ابتدائي
عدد الرسائل : 253
العمر : 35
تاريخ التسجيل : 05/04/2008
 |  موضوع: رد: تتشرف الأختــ lovely girl لهذا الاسبوع بان تكون الضيفة الاولة للكرسي الاعتراف  2009-05-17, 4:11 pm | |
| Jilooشكرا على الكرسي المريح ، وفعلا احلى من الكرسي اللي جابه too good ، وبالنسبة لهداك الكرسي الاول قررت نيابة عن بنات المنتدى انه يقعد للشباب والبنات ياخدو الكرسي اللي جابهولهم خوهم jiloo ونشكرو خونا على المبادرة الرائعة ..... وكان فيه اي اعتراض من قبل البنات طبعا ياريت تقولوه عندنا الديمقراطية في المنتدى ولو مش عاجبكم راي بالنسبة للكرسي عادي ، نشوفو رايكم والقرار ليكم ...نصيحة:" اسألو مجرب "ردوا بالكم تقعمزو على هداك الكرسي اسئلة هلبة ، اما الكرسي هدا ممنوع اي عضو يسال اكتر من اربع 4 اسئلة فقط والعضو اللي سأل مرة خلاص معاش يسأل مرة تانية .... تحياتي ليك jiloo | |
|
lovely girl
ابتدائي
عدد الرسائل : 253
العمر : 35
تاريخ التسجيل : 05/04/2008
| | موضوع: رد: تتشرف الأختــ lovely girl لهذا الاسبوع بان تكون الضيفة الاولة للكرسي الاعتراف 2009-05-17, 4:20 pm | |
| عزيزتي fulla .rose الله يبارك فيك والفال ليك ان شاء الله نسمعو عليك الاخبار الطيبة ....ومشكورة على الورد ... نجو لأسئلتك :بسم الله... شن شعورك لما بتنتقلي الى حياة جديدة بعيدة شوي عن اهلك ؟ اكيد فيه شعور الفرح لان اي بنت تراجي في اللحظة هدي ،انها تخش حياة جديدة وتفتح حوش بروحها ،اما بالنسبة البعد عن الاهل فهدا الموضوع شاغل تفكيري ليل نهار ومش عارفة كيف حد بيسب حوش اماليه ويمشي لي مكان تانية وتبدي تمشيلهم مرة مرة بس يعني مش زي قبل بكل وان شاء الله ربي يسهل الامور .... شن هيا الحاجة المميزة في خطيبك ومش موجودة في اي حد ؟ في نظري نشوف في كل شي فيه مميز عن غيره .... اما بالنسبة للسؤال الاخير اكيد حتقعد علاقتنا زي قبل واحتمال تتطور اكتر ونمشو ونجو على بعض .....وما كترتيش اسئلة بكل على قلبي زي العسل ..... | |
|
قاضي الارقام
ابتدائي
عدد الرسائل : 200
العمر : 40
تاريخ التسجيل : 08/07/2008
| | موضوع: رد: تتشرف الأختــ lovely girl لهذا الاسبوع بان تكون الضيفة الاولة للكرسي الاعتراف 2009-05-17, 9:52 pm | |
| س 1 / أنت بيضة وإلا سمرة ؟
س 2 / قداش تعرفي عضوا بشخصيته الاصلية ؟
س 3 / من هم بالتحديد ؟
س 4 / من هو أفضل أستاذ عندك في المهعد ؟
س5 / قداش معدلك التراكمي حتى الأن أو تقديرك لو تخرجتي ؟
س 6 / هل تحبين الفأر ؟
| |
|
lovely girl
ابتدائي
عدد الرسائل : 253
العمر : 35
تاريخ التسجيل : 05/04/2008
| | موضوع: رد: تتشرف الأختــ lovely girl لهذا الاسبوع بان تكون الضيفة الاولة للكرسي الاعتراف 2009-05-17, 11:00 pm | |
| اهلين وسهلين يا قاضي الأرقام نورت المتصفح بوجودك .... باهي اسئلتك مش متعبه هلبة وما تبيش تفكير ...نبدو بسم الله ... انتي بيضة والا سمراء ؟ عادية مش بيضة هلبة ومش سمراء هلبة ..... يعني لما نطلع هلبة للشمس اكيد تتغير البشرة تولي سمراء ، لكن توا كلهم يقولولي وليتي بيضاء من التقعميز في الحوش .... قداش تعرفي عضو بشخصيته الاصلية ؟7 أعضاء بشخصياتهم الاصلية .... من هم بالتحديد ؟Too good – hnoon- sad day- devil may cry –strong- nadir- anas- -هدو الاشخاص نعرفهم شخصيا بس بالنسبة لي sad day و strong و devil may cry. ممكن ما فيش بينا هدرزة في المعهد لما كنت نقرا او شي من هدا انا نعرفهم بس ومن خلال النت نتكلمو كاصدقاء ..... بس كوجوه نعرفهم...... من هو افضل استاذ عندك في المعهد ؟كان يعطي فيا مبادئ تجاره اسمه *صلاح التميمي* قداش المعدل التراكمي متاعك حتى الان او تقديرك لما تخرجتي ؟تقديري 79% والمعد العام جيد جدا لكل السيمسترات .... هل تحبين الفار ؟اعتقد الاجابة واضحة من غير تفكير اصلا مستحيل يكون فيه حتى مودة ... مشكور على الاسئلة البسيطة جدا تحياتي ليك ...lovely girl | |
|
lovely girl
ابتدائي
عدد الرسائل : 253
العمر : 35
تاريخ التسجيل : 05/04/2008
| | موضوع: رد: تتشرف الأختــ lovely girl لهذا الاسبوع بان تكون الضيفة الاولة للكرسي الاعتراف 2009-05-17, 11:35 pm | |
| مساء الخير على الجميع …… إدارة المنتدى اعتقد ان هدا اخر يوم ليا على كرسي الاعتراف .، لو تسمحولي اني نقول كلمة لأصدقائي وزملائي في المنتدى نشكرهم فيها على روحهم الحلوة واسئلتهم اللي دهشتني في الاجابة عليها ... صديقي too good شكرا ليك على كل مجهوداتك اللي تبدل فيها لنجاح المنتدى حتى ولو انه ما حققش الهدف الاساسي اللي انشئ من اجله لكن والله العظيم كان افضل وسيلة لتعارف الطلبة ببعض سواء خرجين او طلاب . وان شاء الله تكمل هالمشوار .... صديقي فابيو الاهلي مشكور على الأسئلة اللي قدمتها اللي في نظري كانت تحت عنوان ** المختصر المفيد ** وسامحني تقلت عليك طيلة تواجدي في المنتدى وخاصة في البداية على قصة نادي الاتحاد ونادي الاهلي وانا قاعدة عند كلمتي وما تغيرتش اغلبيتكم تشجعو في الاهلي لكن انا قاعدة ضدكم ونشجع في فريق الاتحاد للأبد ..... ABSI تشرفت بمعرفتك ومعرفة خير ان شاء الله ومشكور جدا على مشاركتك في هدا الموضوع ... نورت المنتدى وان شاء الله تنتقل من مرحلة الحضانة عن قريب ، وتخش ابتدائي ... تحياتي ليك الزير سالم ... تعرف اول ما شفت اسئلتك بدون نقاش قلت بننسحب لأني خشيت فيها يمين ما فهمتهاش جيتها يسار مفهمتهاش قلت خلاص اسئلة صعبة وان شاء الله الاجابة تكونو راضين عليها لأنها كل الحقيقة والصراحة .... وتشرفت بمعرفتك ... Jiloo سالتني 18 سؤال من احلى الأسئلة اللي مرت عليا مشكور جدا وربي يوفقك .... وحتى انت تولي في الابتدائي ...وعلى فكرة من كتر الاسئلة فيه سؤال ماجاوبتكش عليه .... خلي نجاوبلك عليه ..شن هيا افضل قناة عندك ؟ وافضل فيلم ؟وافضل مسلسل ؟وافضل رسوم ؟ وافضل اغنية ؟ وافضل فنان ؟افضل قناة عندي طيور الجنة ...وقناة mbcافضل فيلم ... افلام الكوميدي وفيلم عمر وسلمى ....افضل مسلسل .. أهل الراية ...بطولة جمال سليمان .افضل رسوم نحب السنافر .... رامي الصياد الصغير ...جريندايزر ...توم وجيري ...هدو كلهم نحبهم زي بعض وعندك رسوم كونان تفرجت عليها لين عيت وما حضرتش اخر حلقة ياريت اللي يعرف شن صار فيها يقولي .... افضل اغنية ... نجوى كرم الحلم الابيض افضل فنان .... اكيد فضل شاكر ... Sad day مشكور جدا على الاسئلة عزيزتي وموفقة ايضا في حياتك ونشوفوك على خير وان شاء الله نتلاقو عن قريب وجها لوجه ... Fulla .rose عزيزتي نتمانلك كل الخير وربي يوفقك وكانت اسئلتك احلى من العسل على قلبي وربي يدوم المحبة بيناتنا .... قاضي الارقام .... مشكور على حضورك لي هالمتصفح ومبادرتك بطرح الاسئلة وربي يوفقك وونسمعو عليك الاخبار الطيبة ..... بصراحة تمنيت اختي hager انها تسالني وتشارك معانا وتمنيت كدلك خوي السهل الممتنع وخوي روبن هود و devil may cry وخوي مش عاجبه شي والا زعمى الموضوع ما عجباش الله اعلم ... وhnoon ..وخلود العكب .. وباقي الاعضاء لكن مش مشكلة المهم ربي يحفظكم ونشوفكم على خير ... تقبلو فائق تقديري واحترامي اختكم lovely girl | |
|
