طلبة المركز العالي للمهن الادارية والمالية

عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي

طلبة المركز العالي للمهن الادارية والمالية

طلبة المركز العالي
 
الرئيسيةس .و .جبحـثالتسجيلدخول
أعضاء منتدى الطلبة الكرام
يسرنا ويسعدنا ويشرفنا

ان نعلن عن افتتاح باب التسجيل للمنتدى الجديد " منتديات الطلبة نت "
لطلبة المركز العالي للمهن الادارية والمالية
وهذا المنتدى "منتديات الطلبة نت"
يحتوي على مجموعة كبيرة من الاقسام التى تفتقد لها في منتدانا الحالي
وأيضاً المزيد والمزيد من المزايا الأخرى

للمشاركة في هذا المنتدى الرجاء الضغط على الرابطة التالية
www.altalaba.net

ملاحظة هامة: سوفة تتم قفل المنتدى القديم مع نهاية السمستر الحالي.


مع تحياتي
إدارة المنتدى

شاطر | 
 

 تتشرف الأختــ lovely girl لهذا الاسبوع بان تكون الضيفة الاولة للكرسي الاعتراف

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : 1, 2  الصفحة التالية
كاتب الموضوعرسالة
إدارة المنتدى
Admin
avatar

عدد الرسائل : 40
العمر : 30
تاريخ التسجيل : 02/04/2008

مُساهمةموضوع: تتشرف الأختــ lovely girl لهذا الاسبوع بان تكون الضيفة الاولة للكرسي الاعتراف   2009-05-11, 10:11 pm







السلام عليكم ورحمة منـ الله وبركاته،،





أهلينـ بكل في منتدى الطلبة





إنـ شاء الله أخباركم تمام .. وبصحة وعافية





منـ غير مقدماتـ





الموضوع باينـ من عنوانه





جايبلكم ضيفـ للكرسي





الأختــ مشرفة عامة (lovely girl)


من الاخير
الأختـ



عرسها قريب
وممكن اتسيبنا لفترة العرس

وجوها مليح
واتحب البصاره






ما نبيشـ نطولـ عليكم





ميزه الكرسي من غير قوانين او شروط





يعني أي سؤال يلي يخطر في بالكم حطوه





تحياتي




عدل سابقا من قبل إدارة المنتدى في 2009-05-18, 12:26 am عدل 2 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://altalaba.yoo7.com
too good
مشرف عام
مشرف عام
avatar

عدد الرسائل : 641
العمر : 30
تاريخ التسجيل : 03/04/2008

مُساهمةموضوع: رد: تتشرف الأختــ lovely girl لهذا الاسبوع بان تكون الضيفة الاولة للكرسي الاعتراف   2009-05-12, 1:29 am

انى نبدئ بيك الاول
س1/ كيف حال؟
س2/ مستعدة للأسئلة؟
س3/ما هو اجمل موقف صار معك وكان مضحكا ؟
س4/ اذا قالولك تمني ثلاث امنيات وسوف تتحقق؟ ماذا سوف تتمنى ؟
س5/لو ربحت 50 الف يورو ما تفعل بالمال؟بصراحة؟
س6/ ماهو حلم طفولتكـ ...؟
س7/نبيك اتغمضي عيونك توا وتقلينا اول شي جي على بالك ؟ من غير جو؟
س8/ ما تعني لك اسم too good?


ولي عودة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
فابيوا الاهلى
مشرف ملتقى الطلبة
مشرف ملتقى الطلبة
avatar

عدد الرسائل : 392
العمر : 31
تاريخ التسجيل : 02/05/2008

مُساهمةموضوع: رد: تتشرف الأختــ lovely girl لهذا الاسبوع بان تكون الضيفة الاولة للكرسي الاعتراف   2009-05-12, 10:02 am

اهلا بيك اختي

اولا مبرووووووووووووك العرس

س/ منو اكثر شخص مميز في المنتدي؟

س /بعد زواجك بتجي للمنتدي؟

س /شنو ناقص في المنتدي ليكون مميز ؟

س/ شنو رايك في الاعضاء المنتدي وهل عندك اصحاب تعرفتي عليهم من المنتدي فقط ؟

واخيرا شكرا ليك وانشاء الله ربي يوفقك يا اختي

too goodوشكرا لي خوي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ABSI
حضانة
حضانة


عدد الرسائل : 1
العمر : 32
تاريخ التسجيل : 14/03/2009

مُساهمةموضوع: رد: تتشرف الأختــ lovely girl لهذا الاسبوع بان تكون الضيفة الاولة للكرسي الاعتراف   2009-05-12, 2:00 pm

اولا السلام عليكم
والففففففففففففففففففف مبروك بالدرية الصالحة زي ما قالت الناس الاولى انشاء الله
كم علاقة درتي ؟ اعني كم شخص تعرفتي عليه والى اي درجة وصات علاقتك بيهم؟
وهل اخترتي عربسك على حساب شخص ثاني ؟
وهل هو فارس احلامك ؟ ولا زواجك منه تحصيل حاصل ؟
وشن هي الحاجة الي داستيها في قلبك ؟
وما تبيش حد يعرفها ؟
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
lovely girl
ابتدائي
ابتدائي
avatar

عدد الرسائل : 253
العمر : 29
تاريخ التسجيل : 05/04/2008

مُساهمةموضوع: رد: تتشرف الأختــ lovely girl لهذا الاسبوع بان تكون الضيفة الاولة للكرسي الاعتراف   2009-05-12, 11:58 pm



بسم الله ...



1* كيف حالك ؟

الحمد لله كويسة واموري كلها تمام .



2* مستعدة للأسئلة ؟

اكيد مستعدة من دام وافقت نكون اول من يجلس على كرسي الاعتراف .



3* ماهو اجمل موقف صار معك وكان مضحك ؟

ممكن نقول موقف مضحك مؤلم في نفس الوقت .. مرة جاية للمعهد الصبح ونازلة وكلي ثقة من الباص وفجأة انقلبت راسا على عقب قدام الدرجات اللي ينزلو لي بوابة المعهد الخارجية .. والموقف وين ان البنات اللي معاي صايخين ضحك يعني اللي ما يشتري يتفرج .. وبعدين نضت زيني زي البنت الطيبة وحضرت المحاضرة وتفكيري كله كيف كان شكلي وانا طايحة...

وموقف تاني مرة ما عندناش نية نحضرو محاضرة تجارة دولية وعندنا فيها غياب يعني خوفا من الحرمان مشينا للدكتورة في القاعة من الشباك وحطيناها في راس عمي عطية وقلنا عمي عطية ما باش يدخلنا ، هدا كله وفكرنا انه حتسجلنا حضور بس ، فاللي صار طلعت الموبايل واتصلت بعمي عطية قتله البنات اللي لزيتهم دخلهم يعني محاضرة فوق الكدبة ..



4* اذا قالولك تمني ثلات امنيات وسوف تتحقق ؟

*اول امنية .. نزور بيت الله الحرام وندير الحج وندعي ربي كل اللي خاطري فيه "وربي يغفرلي ولوالدي ولي جدي وجدي وجدتي وكل المسلمين "

*الأمنية التانية ربي يدوم الأمان والسعادة بيني وبين زوجي ويرزقني بي الدرية الصالحة " نتمنى يكون عندي 3 ولاد و3 بنات " يارب

* الأمنية التالتة .. ربي يدوم الصحة على الجميع ويحفظكم من كل شر ..



5* لو ربحت 50 الف يورو مادا تفعل بالمال ؟؟

كل اللي خاطري فيه نخلي حوشي احلى حوش وما نحرمش روحي من شي لاانا ولا صغاري وراجلي مستقبلا ...ولا حوش بوي ولا حوش شيابيني "

6* ماهو حلم طفولتك ؟

كنت زي اغلب الصغار نحلم نولي دكتورة باش نعاين الناس والدوة هدي ...بس الحمد لله ماطلعتش دكتورة ولا حاجة ليها علاقة بالطب

والحلم التاني زي البنات الطرحة البيضاء اكيد....



7* نبيك تغمضي عيونك توا وتقوليلنا اول شي جى على بالك ؟ من غير جو ؟

باختصار ومن غير جو ... الحياة الجديدة اللي بنخش عليها هدا اللي نفكر فيه لكن الصورة لما غمضت عيوني مش واضحة هلبة ....



8* مادا يعني لك اسم too good ?

صديق مميز جدا عشرة 2 سنتين حلوها ومرها سيمستر صيف شتاء .

قلبه طيب وبصايري ... لكن عنده حاجة ما ينساهاش في كل مناسبة لازم يقولك وين الزردة ... يعني باختصار من دون وجدوه هوا ماكانش فيه منتدى ..
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
lovely girl
ابتدائي
ابتدائي
avatar

عدد الرسائل : 253
العمر : 29
تاريخ التسجيل : 05/04/2008

مُساهمةموضوع: رد: تتشرف الأختــ lovely girl لهذا الاسبوع بان تكون الضيفة الاولة للكرسي الاعتراف   2009-05-13, 12:16 am



اولا وين الغيبة على المنتدى ... والله يبارك فيك والفال ليكم ان شاء الله

تانيا على خاطرك حنجاوب باللون الأحمر لأن عند روح رياضية صح ..



يلا نبدو وياريت حد يعزمني حتى على طاسة اميه وانتو تسالو مكتر اسئلتكم ...



* منو اكتر شخص مميز في المنتدى ؟



- فيه اكتر من شخص مميز ممكن نقولك روبن هود 085



* بعد زواجك بتجي للمنتدى ؟



- بصراحة اكيد مش زي قبل لكن نحاول بإذن الله ...



* شن ناقص في المنتدى ليكون مميز ؟



- برأي طلبة غيورين على معهدهم لأن المنتدى اصلا لما كان فكرة كان بهدف تزويد الطالب بالمناهج العلمية اللي يقرا فيها هدا بالنسبة للطلبة اللي قاعدين يدرسو اما الخرجين يقعدو يتواصلو مع بعض بعد ما دخلو معترك الحياة بروحهم هكي كان الهدف لكن للأسف اصبح زي اي منتدى تاني ولو لاحظتو اكتر الإقبال على ملتقى الطلبة ... وفي كل قسم من الأقسام ناس معينه ومعروفة هما يدخلولها وانت شن رايك كلامي صح والا لا وكان غلط قولي علاش ..



* شنو رايك في اعضاء المنتدى ؟ وهل عندك اصحاب تعرفتي عليهم من المنتدى ؟



- عندي اصحاب من المنتدى ..فيه اشخاص معينه نعرفهم شخصيا بحكم درسنا مع بعض او تعرفت عليهم مصادفة ...لكن الأفضل ان تكون الصداقة عبر النت ..لأن في الواقع تتغير الأمور بدرجة كبيرة ..





واخيرا ربي يوفقك حتى انت خوي فابيو الاهلي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
lovely girl
ابتدائي
ابتدائي
avatar

عدد الرسائل : 253
العمر : 29
تاريخ التسجيل : 05/04/2008

مُساهمةموضوع: رد: تتشرف الأختــ lovely girl لهذا الاسبوع بان تكون الضيفة الاولة للكرسي الاعتراف   2009-05-13, 12:40 am



وعليكم السلام ورحمة الله وبركاته



الله يبـــــــــــــــــارك فيــــــــــــــــــك

بدت تصعب الأسئلة شوية شوية ... باهي كان جاوبت غلط كيف بتعرفو والا انا وضميري ...



المهم خلي نبدا نجاوب بسم الله ..



كم علاقة درتي ؟ اعني كم شخص تعرفتي عليه والى اي درجة وصلت علاقتك بيهم ؟

علاقة وحدة ...اي شخص واحد تعرفت عليه وكان فيه حب متبادل وما صارش نصيب وكل واحد مشى في حاله وربي رزقني بنصيب على قيس نيتي ...



هل اخترتي عريسك على حساب شخص تاني ؟

لا ... زي ما قتلك اوصلت الى قناعة ان الحياة ما توقفش على انسان واحد .. يعني والحمد لله ربي رزقني بشخص تتمنى تناسبه اي عيله ...



وهل هو فارس احلامك ؟ او زواجك منه تحصيل حاصل ؟

الزواج لازم يكون بالاتفاق ... ما نكدبش عليك هيا مش علاقة حب سنتين وتلاتة .... لا هيا ما يقارب سنة حاليا بعلم اهلي وخطيبي اول ما كلمني جى من الباب وطلب ايدي من اهلي وتمت الموافقه والحمد لله طبعا استخرت اكتر من مرة ربي ولقيت والحمد لله كل شي متسهل وماشي ببركة ربي ورضاه ...وبالنسبة لحكاية فارس الاحلام ... مواصفات الرجل المناسب كلها موجوده فيه وموفرلي حوش وسيارة ومعاش والراحة اهم شي ... ومافيش انسان خالي من العيوب ..



وشن هيا الحاجة اللي داستها في قلبك وما تبيش حد يعرفها ؟

اني خايفة شوية من نمط حياة جديدة هدي الحاجة اللي معاش نقدر ندسها في قلبي بس ...



شكرا على الطرح ..
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الزير سالم
روضة
روضة
avatar

عدد الرسائل : 38
العمر : 31
تاريخ التسجيل : 03/03/2009

مُساهمةموضوع: رد: تتشرف الأختــ lovely girl لهذا الاسبوع بان تكون الضيفة الاولة للكرسي الاعتراف   2009-05-13, 12:45 pm

ما هي اكبر غلطة تشعري بانك ارتكبتيها في حياتك
كم مرة ظلمتي غيرك ولم يانبك ضميرك
وكم مرة ظلمتي غيرك وانبك ضميرك وحاولتي بكل جدية ان تصلحي غلطتك
هل بنيتي سعادتك او اي شيئا على انقاض غيرك
ماذا تعني الحرية بالنسبة لكي
هل تؤمنين بان الغاية تبرر الوسيلة ؟ وهل حققتي غاية باي وسيلة ؟
كم مرة شعرتي بانك تجاوزتي حدود الادب وانت تتحدثين أو تتعاملين مع احدهم
هل انت ممن يتمرق للوصول الى هدفه
هل سبق وان تلاعبتي بمشاعر غيرك ذكر طبعا لغرض التسلية عن طريق النت او الهاتف او اي وسيلة اخرى
الرجاء الاجابة بكل صراحة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
too good
مشرف عام
مشرف عام
avatar

عدد الرسائل : 641
العمر : 30
تاريخ التسجيل : 03/04/2008

مُساهمةموضوع: رد: تتشرف الأختــ lovely girl لهذا الاسبوع بان تكون الضيفة الاولة للكرسي الاعتراف   2009-05-13, 1:49 pm

شني جوك اليوم يـ lovely girl

مابعدك من اسئلة خونا الزير سالم
منبيش انطول عليك الاسئلة هاذي ايجاباتهم بكلمة او كلمتين
اوكي
يـ الله
س1/ شن هو المسلسل المفضل لذيك؟
س2/ ساعة قداش ترقدي؟
س3/ اتحبي اتسافري؟
س4/ كم مرة سافرتي؟
س5/شن هي البلاد لاتحبي اتسافريها؟
س6/ اما بلاد ماشية للشهر العسل؟ وانشاء الله اتقوليلي مغرب؟
س7/ شن هي احلا ماكلة عندك؟
س8/ شن هي احلا سيارة عندك؟
س9/ شن هي احلا مادة قريتيها في المعهد؟
س10/ شن هي اصعب مادة قريتيها في المعهد؟
س/11 شن هي اكره مادة عندك قريتيها في المعهد؟


عارف روحي كترت عليك الاسئلة صار سؤالي الاخير هو
س12/ قاعد معزوم على العرس؟
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
too good
مشرف عام
مشرف عام
avatar

عدد الرسائل : 641
العمر : 30
تاريخ التسجيل : 03/04/2008

مُساهمةموضوع: رد: تتشرف الأختــ lovely girl لهذا الاسبوع بان تكون الضيفة الاولة للكرسي الاعتراف   2009-05-13, 5:46 pm


8* مادا يعني لك اسم too good ?

صديق مميز جدا عشرة 2 سنتين حلوها ومرها سيمستر صيف شتاء .

قلبه
طيب وبصايري ... لكن عنده حاجة ما ينساهاش في كل مناسبة لازم يقولك وين
الزردة ... يعني باختصار من دون وجدوه هوا ماكانش فيه منتدى
..

نقطة انحب انوضحا للاعضاء
ليا سنتين اتقول وين الزردة لـكن
قاعد لتوا الزردة ماشفتهاش


عندي ليك سؤال اخير والله اخر سؤال
وين الزرادي ؟






الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
lovely girl
ابتدائي
ابتدائي
avatar

عدد الرسائل : 253
العمر : 29
تاريخ التسجيل : 05/04/2008

مُساهمةموضوع: رد: تتشرف الأختــ lovely girl لهذا الاسبوع بان تكون الضيفة الاولة للكرسي الاعتراف   2009-05-13, 11:18 pm



تعرفو اول مرة نخاف من الأسئلة هكي ... المهم ان شاء يقدرني ربي ونجاوبهم كلهم ... وبالدات اسئلة يا الزير سالم صعبه...



ماهي اكبر غلطة تشعري انك ارتكبتيها في حياتك ؟؟

اكبر غلطة .. اني ما عرفتش قيمة شخص مهم في حياتي الا بعد ما فقدته "انتقلت الى رحمة الله "



كم مرة ظلمت غيرك ولم يأنبك ضميرك ؟

مش حنقول اني ما ظلمتش حد بكل في حياتي بس امور الحياة وظروفها تخلي اي حد يظلم حد ...وابسط شي على سبيل المثال * الشك * يعني صارلي كدا موقف شكيت في ناس نتيجة لمواقف معينة والشك هدا يعتبر نوع من انواع الظلم اللي درتها في حياتي ... لكن في كل الحالات امتى نعرف الحقيقة ينأنبني ضميري اكيد .



وكم مرة ظلمتي غيرك وانبك ضميرك وحاولتي بكل جدية تصلحي غلطك ؟؟

في كل مرة وعلى قيس ما نقدر نكون ظلمت حد اوزي ما حكيت شكيت بحد في موقف معين نحاول على قد ما نقدر نصلح غلطي ولو انه احيانا ما يكون في نفس الوقت يكون بعد فترة طويلة بصراحة ..



هل بنيتي سعادتك او اي شي على انقاض غيرك ؟

باختصار لا ..



ماذا تعني الحرية بالنسبة لكي ؟

حريتي اللي عايشتها انا توا مش كان حرموني اهلي من شي نقول لا انا حرة ، في داخل نفسي نعرف ان هدي مصلحتي .. وهما شايفينها احسن مني ..



هل تؤمنيين بأن الغاية تبرر الوسيلة ؟ وهل حققت غاية باي وسيلة ؟

اي نعم ... الغاية تبرر الوسيلة ... غايتي كانت ناخد شهادتي وخديتها والوسيلة معروفة ..



كم مرة شعرتي بأنك تجاوزت حدود الأدب وانتي تتحدثين او تتعاملين مع احدهم ؟

ما حسيتش ولا مرة بها الشعور ..



هل انت ممن يتملق للوصول الى هدفه .؟

هو مش تملق بس لو تبي حاجة عادي لو انت سايرت الشخص باش تكسب حاجتك اسرع واحسن بس ....



هل سبق وان تلاعبت بمشاعر غيرك ذكر طبعا لغرض التسلية عن طريق النت او الهاتف ؟



لا طبعا ماصارتش قبل لو اني كلمت حد في المنتدى مثلا كصديق فقط لاغير والحمد لله ماصارتش معاي ابدا اني كلمت او تسهوكت على حد سواء في الهاتف او حتى غرف الدردشة الي عمري مادخلتها اصلا....



شكرا على الأسئلة الصعبة جدا اكتر شخص تعبت من اسئلته ، اول ماقريتها قلت مستحيل حنجاوب .. بعدين جاوبت لأني وافقت على كرسي الاعتراف بكل شروطه ومش عارفه يا too good امتى بيكمل دوري .. عطيني علم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
too good
مشرف عام
مشرف عام
avatar

عدد الرسائل : 641
العمر : 30
تاريخ التسجيل : 03/04/2008

مُساهمةموضوع: رد: تتشرف الأختــ lovely girl لهذا الاسبوع بان تكون الضيفة الاولة للكرسي الاعتراف   2009-05-14, 12:36 am

هههههههههههههههههههههههههههههههههههههههههه
تعبتي
متخافيش مزال وراك زمن طويـــــــــــــــــــــــــــــــــــــــــل
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
jiloo
حضانة
حضانة
avatar

عدد الرسائل : 9
العمر : 29
تاريخ التسجيل : 05/05/2009

مُساهمةموضوع: رد: تتشرف الأختــ lovely girl لهذا الاسبوع بان تكون الضيفة الاولة للكرسي الاعتراف   2009-05-14, 2:44 am


السلام عليكم
اولاً مبروووك عليك الكرسي وان شاااء الله اتبيديه بالهني...
بما اني قاعد جديد في المنتدي فا موش حنثقل عليك .....
هيا خلي نبدا من غير كثر دوة وانقولو بسم الله ...
-- من هما الاعضاء اللى تعرفيهم خارج المنتدى شخصيا؟؟
-ماهو اكتر شئ عاجبك فى المنتدى ؟؟
-شنو رايك في المنتدى وهل مشتركة فى منتديات تانية؟؟
2-شنى اللى يخليك تبكى؟
3-شنى بيكون موقفك لو انجرحت من أغلى ناسك في وقت كنتي محتاجه انك تشكيلهم؟
4-انسان مر بحياتك واتمنيتى لو انك عرفتيه من زمان؟
5-عندما تواجهين شخص لا يستطيع فهمك شنى اديرى معاه؟؟
6-لوعندك رسالة عتاب لمن توجهيها؟
7-مالفرق بين الامل والتمنى؟
8-الوداع اصعب اللحظات شنى رايك؟
9-شنى حدود التنازل عندك؟
10-الاعمى شنى يشوف فى احلامه؟
11-امتا تقولى نعم بدون تفكير وكذلك لا بدون تفكير؟
12-تحبى المطر وليش ؟
13-شنى اطول بنظرك الصداقة او الحب؟
14-من الاعضاء تمنيتيه يسالك وماسالكش وكدلك سؤال تمنيته سالؤه ليك وماسالوشى لتوا؟
15-كم ساعة تكعمزى عالنت يوميا؟؟
-هل غير الانترنت في شخصيتك ؟
-وكم شفرة عندك وكم نقال وشنى نوعهم؟؟
-كم اسم مخزن فى نقالك؟؟
-شنى افضل قناة عندك وافضل فيلم وافضل مسلسل وافضل رسوم وافضل اغنية وافضل فنان تسمعيله؟؟
16-شنى طموحك في الحياة الى اي حد تبي توصلي في حياتك ؟؟
-شن ترتيبك في العيلة وتعرفي اطيبي وجبات والا الكيد على خواتك الثانيات ؟
17- شنى معنى اختيارك لاسمك ؟؟
18- من خلال اسلوبي و اسئلتي الساابقة شني حكمتي علياا ؟
غر ان شاء الله ماثقلنااش عليك بس
وساد لحد تو بالتوفيق ان شاءالله
ولنا عودة

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
lovely girl
ابتدائي
ابتدائي
avatar

عدد الرسائل : 253
العمر : 29
تاريخ التسجيل : 05/04/2008

مُساهمةموضوع: رد: تتشرف الأختــ lovely girl لهذا الاسبوع بان تكون الضيفة الاولة للكرسي الاعتراف   2009-05-14, 2:45 pm



Too good

ياسر اسئلة اعطي فرصه لغيرك يقول سؤال الأسئلة كلها كملتها عليهم .

المهم توا خلي نجاوبك على فضولك ...

بسم الله



شن هو المسلسل المفضل لديك ؟

المسلسل المفضل عندي باب الحارة بجميع اجزائه ...



الساعة قداش ترقدي ؟

على حسب ما فيش موعد معين ، ايامات كنت نقرا نرقد بكري لكن توا لا ..



اتحبي تسافري ؟

اكيد ..من ما يحبش يسافر ...



كم مرة سافرتي ؟

ولا مرة ...



شن هيا البلاد اللي تحبي تسافريلها ؟

كان عطاني ربي عمر نتمنى نمشي لي ايطاليا ...



اما بلاد ماشية لشهر العسل وان شاء الله تقولي المغرب ؟

للأسف خاب ضنك مش المغرب وان شاء الله نمشيلها المغرب ... البلاد الى حد الأن مصر ....



شن هيا احلى ماكلة عندك ؟

والله شن بنقولك يا ريت عكست السؤال كانت اجابتي حتكون محددة اكثر .، بس بما ان احلى ماكله نحب المعجنات بصفة عامة والمسقي ....



شن هيا احلى سيارة عندك ؟

في الحقيقة انا ما عنديش هلبة اهتمام بالسيارت ولا انواعها ...لكن تعجبني سيارة * هونداي سنتافي * ..



شن هيا احلى مادة قريتيها في المعهد ؟

مبادئ تجارة كانت في السيمستر الأول .... عطالني فيها دكتور اسمه *صلاح التميمي *



شن هيا اصعب مادة قريتيها في المعهد ؟

مادة تجارة دولية في السيمستر الرابع ...عطتني فيها الاستاذه* صبحية سركز ..*



شن هيا اكره مادة قريتيها في المعهد ؟

شوف بنقولك كل سيمستر فيه حاجة صاعبة وفي وقتها نقول نكرها لكن بعد ما نصفي ونكمل مانحسش اني كرهت ولا مادة وكل محاضرة فيه مواقف حلوة ما تخليكش تكره المادة .... بس هيا ظروف في وقت القراية تخليك تقول هكي بس ..



والسؤال الأخير خليه نتفاهمو فيه مرة تانية لأن بعد كرسي الأعتراف هدا تغيرت حاجات هلبة ... بنسالك هو مدة كرسي الاعتراف اسبوع بس صح ...والا .



وبالنسبة للزردة موضوعها بروحه ....
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
too good
مشرف عام
مشرف عام
avatar

عدد الرسائل : 641
العمر : 30
تاريخ التسجيل : 03/04/2008

مُساهمةموضوع: رد: تتشرف الأختــ lovely girl لهذا الاسبوع بان تكون الضيفة الاولة للكرسي الاعتراف   2009-05-14, 3:06 pm

لا لا اسبوع بس


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
lovely girl
ابتدائي
ابتدائي
avatar

عدد الرسائل : 253
العمر : 29
تاريخ التسجيل : 05/04/2008

مُساهمةموضوع: رد: تتشرف الأختــ lovely girl لهذا الاسبوع بان تكون الضيفة الاولة للكرسي الاعتراف   2009-05-14, 4:11 pm



Jiloo ….

الله يبارك فيك وعقبال ما نشوفوك على هالكرسي ونسالولك شوية اسئلة .....

نبدو بسم الله ....



من هما الأعضاء اللي تعرفيهم خارج المنتدى شخصيا ؟

اول شخص طبعا too good

بعدين فيه ناس نعرفها بالوجه يعني مش صحاب او شي زي sad day

وعندك * hnon * fulla.rose * هدو الاتنين بيناتنا مكالمات تليفون صديقاتي يعني ...

و nadir كدلك معرفة شخصية ...

و devil may cry صديقي كذلك ...



ماهو هو اكثر شي عاجبك في المنتدى ؟

أعضاء المنتدى نفسهم ....



شنو رايك في المنتدى وهل مشتركة في منتديات تانية ؟

اكيد منتدى رائع بالموجودين فيه طبعا ... والمنتدى زي ماقال too good حيتغير الى الأفضل ان شاء الله عن قريب ....

نعم مشتركة في منتديات تانية ..لكن اغلب الأحيان وبصارحة نشترك لأني نكون نبحث على شي معين فيقولك ما تقريش بس لازم تشتركي فنشترك ....

شن اللي يخليك تبكي ؟

هلبة حاجات تخلي فيا نبكي اي موقف بايخ يصيرلي نبكي ...امتى نشوف اغاني على غزة وفلسطين نبكي ... امتى نقرا موضوع ديني ونعرف اني في حاجات ما نطبقش فيها وفيها حساب وعقاب نبكي ... حاليا امتى قريت في منتدى معين وفاة الرسول واخر كلام وصى بيه الرسول وكيف انه قال انه مشتاق لي امته الأتية بعده وانه لم يراهم في الدنيا ووعدهم بلقياه عند

عند الحوض في الجنة قعدت نبكي مع اني مش اول مرة نقراه الموضوع هدا ......



شن بيكون موقفك لو انجرحت من اغلى ناسك في وقت كنت انك محتاجة تشكيلهم ؟

والله على حسب الجرح فيه جرح ينتسى بمجرد كلمة طيبة واسف بسيط وفيه نوع من الجروح مهما الشخص التاني حاول انه يتاسف ويعتدر واوك فرضا قبلت الاعتدار وعلى اساس نسيت يجي يوم وين تتفكر تتفكر الحاجة الشينة اللي دارها ....وان شاء الله ربي يبعد عليا الموقف هدا ...



انسان مر بحياتك واتمنيتي انك عرفتيه من زمان ؟

صديقتي ....



عندما تواجهين شخص لا يستطيع فهمك شن اديري معاه؟

نحاول نلقى شي مشترك نتفاهمو فيه ولو حارت وبارت ومالقيتش نمشي ونخليه .... بس



لو عندك رسالة عتاب لمن توجهيها ؟

لكل الناس اللي ما عندهمش لا شغلة ولا عمله الا قال فلان جاب فلان قال عليك فلان دار هكي جاب هكي وكله عالفاضي ....ونقولهم خلو الناس التانية في حالها وكل واحد عدنه هم متعبه مش ناقصتكم هيا ...



مالفرق بين الأمل والتمني ؟

الاتنين مرتبطات ببعض الشخص ديما يتمنى ويحلم وهدا ابسط شي .. ولو مافيش حتى واحد في الميه امل خلاص تبى الحياة روتينة معاش فيها بنة ...يعني لازم نتمنى ونحلم ونحاول نبدا بخطوة والأمل يقعد موجود ...



الوداع اصعب اللحظات شن رايك .؟

اكيد اصعب شي وفيه هلبه انواع للوداع اصعب نوع الوداع للأبد في الدنيا وباقي انواع الوداع عادي الدنيا صغيرة هلبة ومسير الحي يتلاقى اهم شي وداع من غير خلاف في النوع هدا ...



شني حدود التنازل عندك ؟

انا مش من النوع اللي يتنازل هلبة ... حسب الموقف ..



الأعمى شني يشوف في احلامه ؟

اعمى العيون ولا اعمى القلب ... حدد



امتى تقولي نعم بدون تفكير ولا بدون تفكير ؟

نعم بدون تفكير لما في ايدي حاجة نعرف او نقدر اني نسعد بيها غيري ..

لا بدون تفكير لأي حاجة تقلل من احترامي واحترامي عيلتي ....



تحبي المطر وليش ؟

احلى سؤال سئلته لحد الان ... نحب المطر هلبه اصلا هيا نعمة من ربي ومطر الخير النافعة تبين ان ربي راضي علينا ....

ومن ناحية تانية جو المطر حتى لو الشخص متضايق يرتاح بمجرد ما يشم ريحة التراب المبلول بعد المطر تخيلو معاي ...

ان شاء الله ربي يرزقنا بالغيث النافع ..



شني اطول بنظرك الصداقة او الحب ؟

مافيش صداقة من غير حب يعني الصداقة مش حاجة اجبارية اي لازم تحب الشخص باش يولي صديق ذو مرتبة عندك ... والحب هو العشرة الطيبة ...



من العضو اللي تمنيته يسالك وما سألكش ؟ وشن هو السؤال اللي تتمنيه يسألوهولك ؟

Devil bay cry … ... وبالنسبة للسؤال مشاء الله عليكم مش مقصرين فيا ...



كم ساعة تقعدي على النت يوميا ؟

مش هلبة احيانا مانفتحش في النت كل يوم .... وامتى نقعد من 2 الى 3 مش على بعضهم مرة الصبح مرة الليل وهكدا ...



هل غير الأنترنت في شخصيتك ؟

مش هلبة في حاجات تقراها في النت لأول مرة وحاجات تشوفها ويسهلك النت انك تشوفها في وقت سريع .... وهلبة حاجات يعتبر النت حاجة مهمة جدا ابسط شي تبي تعرف اي شي تكتبه في جوجل بس ويطلعلك كل شي .. لكن كتغير شخصية لا نمارس في حياتي اليومية عادي واحسن من الاول لأني بديت نعرف حاجات اكتر تقدر تفتح بيها مواضيع في جلسات عامة ...



كم شفرة عنك وكم نقال وشن نوعهم ؟

شفرة وحدة ليبيانا .... ونقال واحد ونوعه *Samsung *



كم اسم مخزن في نقالك ؟

200 اسم ....



شن طموحك في الحياة الى اي حد تبي توصلي في حياتك ؟

الحمد لله توا خديت دبلوم ادارة اعمال .... وتوا ان شاء الله ربي يتمم عليا بخير .... وان شاء الله ربي يرزقني بصغار نربيهم تربية كويسة ....

وكطموح في القراية كنت نتمنى لكن على الظروف توا .....



شن ترتيبك في العيلة وتعرفي اتطيبي اكلات والا اكيد على خواتك التانيات ؟

ترتيبي في العيلة 2 وحدة في البنات وتالتة وحدة ككل ...

وبالنسبة للتطيب الحمد لله اهو توا بنفتح حوش بروحي معقولة ما نعرفش نطيب حتى حاجة هكي بالعقل مش حنقولك انا مية مية في كل شي بي الواحد يقعد يتعلم اهم شي الاساسيات كلها الحمد لله عندي ....



شن معنى اختيارك لأسمك ؟

اسمي يللي في المنتدى تقدر تسأل عليه too good حيجاوب احسن مني واسمي الحقيقي تم من قبل المرحومه جدتي هيا سمتني ...



من خلال اسلوبي واسئلتي السابقة شن حكمتي عليا .... ؟

تبارك الرحمن ما خليت شي ما سالتش فيه يعني باللهجة العامية *قصقاص درجة اولى *

انبصر عليك والله ... بارك الله فيك على شوية الاسئلة على قولتك ....

تحياتي ...... lovely girl
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
jiloo
حضانة
حضانة
avatar

عدد الرسائل : 9
العمر : 29
تاريخ التسجيل : 05/05/2009

مُساهمةموضوع: رد: تتشرف الأختــ lovely girl لهذا الاسبوع بان تكون الضيفة الاولة للكرسي الاعتراف   2009-05-14, 5:12 pm




تراااااا
اهو جيتك تاني هي بش متقوليش نستني

س 1 كيف تعبري على



حزنك؟
غضبك؟
لما يكون جوك اخي؟


س 2 هل انتي

رومنسية؟
حساسة؟
غامضة؟
طيبة؟
دلوعة؟
مسمومة؟
انانية؟
شاعرة؟
حالمة؟


س 3 كل وحدة من الحاجات هادوم اهداها لي عضو ؟
وردة؟
شوكة؟
دلاعة؟
دخان؟
باقة ورد كبيرة؟
دعوة الى العشاء؟.
تيرو؟
كف؟


س 4 اعطيني مثل او حكمة ديما تقولي فيها ؟ اهم سؤاال هذا ؟
س 5 حلي اللغز هدا
عندك تسعة عملات نقدية..باهي..وميزان...وفيه عملة وحدة بس أخف من العملات التانيات...كيف اطلعي العملة الاخف فيهم بمحاولتين فقط ؟ باستخدام الميزان
س 6 شن رايك ف الشباب الليبي توا؟
س 7 شن نظرتك للناس القصقاصة؟
س 8 هل انت من النوع المتضايق ديما؟
س 9 هل خسرتى شخص في حياتك وتمنيتي يرجع الزمن باش اتقوليلا كلام مقلتيهولاش قبل؟
س 10 أسئلي نفسك سؤال تختاريه انتي ...وجاوبي علييييه ؟
س 11 اكيد في سؤال ماعجبكش؟ وسؤال قعدتي اتفكري فيه هلبااا يعني استغرقتي وقت باااش حليتيه ؟ وسؤاال عجبك ؟ وسؤال اضحكتي عليه ؟ وسؤاال هزيتي عليه ؟ وسؤاال مش متوقع ؟
اذكر كل هادوم الاسئلة وقولي علاش ؟ بكل صرااحة طبعا ؟
شورني ثقلت عليك معليشي قاعد جديد ونبي نعرف هلباا حاجات علي المنتدي
هياا تو سلامات وموفقه ان شاااء الله
واسفين علي .....
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
lovely girl
ابتدائي
ابتدائي
avatar

عدد الرسائل : 253
العمر : 29
تاريخ التسجيل : 05/04/2008

مُساهمةموضوع: رد: تتشرف الأختــ lovely girl لهذا الاسبوع بان تكون الضيفة الاولة للكرسي الاعتراف   2009-05-14, 8:52 pm

تراااااااا Shocked

انخلعت كيف قلت الحمد لله تفكيت و جاوبت على الأسئلة ..... نرجعو لموضوع الاجابة بسم الله .....



كيف تعبري عن حزنك ، غضبك ، لما يكون جوك اخي ؟

بالنسبة للحزن... زي ماقلت بكري اي شي يحزني معناها يبكيني يعني نرتاح لما نبكي ويتعدل جوي بعدها .....

بالنسبة للغضب... فانا مش من النوع اللي نغضب بسرعة وحتى لو غضبت عيبي مانعرفش ندافع على روحي باللسان نسكت بس ونخلي الأمور تمشي ...

بالنسبه لي لما يكون جوي اخي .. عندي صديقتي نحكيلها تغيرلي جو وكان شيئا لم يكن .. يتم ذلك يا نمشيلها لحوشها او بالتليفون .....



هل انتي :- رومنسية ، حساسة ، غامضة ، طيبة ، دلوعة ، مسمومة ، انانية ، شاعرة ، حالمة ....



اقرب ايجابة طيبة ......بنسبة 99% ..

بس باقي الصفات المذكورة كلها عندي الا وحدة بس ....

مثلا رومنسية اكيد لكن عقلي في الامور هدي يسبق احيانا ....

حساسة طبعا

غامضة اكيد اكتر من شخص يقولي لما تبي روحك غامضة تخلي روحك غامضة ...

طيبة تكلمنا فيها

دلوعة مافيش بنت مش دلوعة مستحيل .....

مسمومة مش عارفة ماقالهاليش حد قبل ...

انانية نفسي نفسي ....لكن لو في ايدي حاجة تسعد الغير نقدمها من غير ما نستنى حتى شكر ....

شاعرة ...؟؟؟؟ هدي ما فهمتهاش لو تقصد شعر شعر لالالا ما عنديش فيه نهائي ....

حالمة .... احتمال .







كل وحدة من الحاجات هادو اهديها الى عضو في المنتدى :-



وردة – hnoon.

شوكة – مافيش حد نهديله شوكة

دلاعة – لكل من يحب اكل الدلاع وانا مش منهم للأسف .

دخان – too good

باقة ورد كبيرة – لكل أعضاء المنتدى ...

دعوة الى العشاء – لكل الصبايا اللي في المنتدى

تيرو – مادرتهاش قبل ..

كف – ولا هادي كدلك . .



اعطيني مثل او حكمة ديما تقولي فيها ؟

الدنيا بالوجوه والآخرة بالأفعال ...

اللي تديره في الرخيص تلقاه في الغالي .....



عندك تسع عملات نقدية باهي .. و ميزان ... وفيه عملة وحدة بس اخف من العملات التانية .... كيف اطلعي العمله الاخف فيهم بمحاولتين بس ؟



بصراحة انا ما نفهمش في الالغاز بكل بكل ... ومندري هل الفلوس بدو يقيسو فيهم بميزان اول مرة نسمعها هدي .... وجاوبني عليها انت لأني ما نعرفش في الحقيقة ...



هل خسرتي شخص في حياتك واتمنتيه انه يرجع باش تقوليله كلام ما قلتيهولاش قبل ؟

اي نعم .. خسرت انسانة غالية عليا ... جدتي الله يرحمها ... بس الميت للأسف معاش يرجع لكن هيا اكيد حاسة بيا ...



اسئلي نفسك سؤال تختارية انتي وجاوبي عليه ؟؟

حاضر ... سؤالي هو ...

وين عقلك لما وافقتي انك تكوني اول من يجلس على كرسي التقصقيص .....؟

الجواب .... الله غالب عليا شيرتي مدهوبة كان نندري هكي ...راهو مش هدا حالي ....



اكيد فيه سؤال ما عجبكش ؟

الجزء اللي يقول تعرفي تطيبي والا اكيد وخاصة كلمة اكيد على خواتك التانيات .....

لكن عادي مش ما عجبنيش هلبة لكن ضروري نجاوب ...



وسؤال قعدتي تفكري فيه هلية ....؟

اللغز ....



وسؤال عجبك ؟

من خلال اسئلتي السابقة شن حكمتي عليا ....



وسؤال ضحكتي عليه ؟

شن نظرتك للناس القصقاصة .....



وسؤال هزيتي عليه ...؟

تحبي المطر وليش ....لأن احنى في شهر5 وخش الصيف بنستاحشو المطر الحلوة متع الشتاء ....لكن سؤالك هدا موفق ...



وسؤال مش متوقع ؟

كم اسم مخزن في نقالك ؟ سؤال غريب لأني مافكرتش نعد الأسامي في نقالي .... وانصدمت لقيتهم 200 قلت هادو منين جو ....لقيت كل اسم عندي ليه شفرتين ليبيانا وشفرتين مدار وهكدا ....



..... لا والله ما تقلتوش عليا بس نفكر انه وراي اسئلة تبي اجابة بس.... Very Happy

بس نبي ندكركم خلو شوية اسئلة للناس اللي جايين بعدي عالكرسي بعد ما يتم الاسبوع مش حناخده معاي الكرسي حيقعد ان شاء الله وتقعمزو عليه وتحسو نفس الاحساس ....





الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
lovely girl
ابتدائي
ابتدائي
avatar

عدد الرسائل : 253
العمر : 29
تاريخ التسجيل : 05/04/2008

مُساهمةموضوع: رد: تتشرف الأختــ lovely girl لهذا الاسبوع بان تكون الضيفة الاولة للكرسي الاعتراف   2009-05-15, 1:14 am



متأسفة من ذهاب الشيرة نسيت اسئلة ونقزت وماجاوبتش عليهم .....



شن رايك في الشباب الليبي توا ؟

فيه الباهي وفيه الشين زي البنات الليبيات بالضبط ....



هل انتي من النوع المتضايق دائما .؟

لا ....



شن نضرتك للناس القصقاصة ؟

متأسفة لتاني مرة لكن اسئلتك بصراحة ينطبق عليها هدا النوع من الجمل ومتأخدنيش ......

ناس عادية زي باقي الناس ... باهي جت في القصقصة مش حاجة تانية الحمد لله ...

تحياتي .... وتصبحو على خير
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الزير سالم
روضة
روضة
avatar

عدد الرسائل : 38
العمر : 31
تاريخ التسجيل : 03/03/2009

مُساهمةموضوع: رد: تتشرف الأختــ lovely girl لهذا الاسبوع بان تكون الضيفة الاولة للكرسي الاعتراف   2009-05-15, 3:13 am

انا نهنيك يا اختي العزيزة عاى سلاسة اسلوبك ووضوحك وذكائك البارز في اجابتك على اسئلتي
وان شاء الله ربي يهنيك في الحاضر والمستقبل
وحبيت نبعتلك هدية زواجك وهي نصيحة اخوية
قال رسول الله صلى الله عليه وسلم لو امرت انسان ان يسجد لانسان لامرت الزوجة ان تسجد لزوجها او كما قال
وانشاء الله موفقة
لكن عندي سؤال اخير يا اختنا معليشي
كيف نطيحو في زوجة زيك في المستقبل البعيـــــــــــــــــــــد جدا؟؟؟؟؟؟؟؟؟؟؟؟؟
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
SAD DAY
مشرف ملتقى الطلبة
مشرف ملتقى الطلبة
avatar

عدد الرسائل : 491
العمر : 28
تاريخ التسجيل : 02/06/2008

مُساهمةموضوع: رد: تتشرف الأختــ lovely girl لهذا الاسبوع بان تكون الضيفة الاولة للكرسي الاعتراف   2009-05-15, 10:52 pm






ألف مبروك





إنشاء الله تكون الأسئلة غير دسمة عليك أختي lovely girl

أسئلتي هي :-
_ ماهو سبب إنهاء علاقتك الأولى .
_ كيف تعرفتي على زوجك المستقبلي ؟
_ ماهي ميولاتك ؟
_ ماهي أكثر المواضيع الذي تلفت إنتباهك ؟
_ من هم أقرب 10 أعضاء لقلبك ؟
_ لو عندك باقة ورد لمن تهديها ؟
_ من هو الشخص الذي ندمتي على معرفته " إن وجد " ؟
_ من هو أكثر شخص يثير أعصابك في حياتك الطبيعية " ولو كان في المعهد " ؟
_ هل تنوي الحصول على وظيفة بعد الزواج ؟
_ إذا منحناك ورقة وقلم وطلبنا منكي أن تكتبي كلمة واحدة فماذا ستكون ؟؟
_ ماهي أنواع الأفلام المفضلة لديكي :
رعب - رومنسي _ أكشن _ إجرامي _ كوميدي ؟؟


زودتها ولا ؟؟ عندك علم إن إلي في قلبي معظمه قولته وقعدت نفكر وهذا إلي طلع معاي ..

على المهم أختي ربي يهنيك ياربي وإنشاء الله بالدرية الصالحة



أختك SAD DAY



كتبت هذه المشاركة

_________________



من أختكــــــــــم SAD DAY


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.yahoo.com
lovely girl
ابتدائي
ابتدائي
avatar

عدد الرسائل : 253
العمر : 29
تاريخ التسجيل : 05/04/2008

مُساهمةموضوع: رد: تتشرف الأختــ lovely girl لهذا الاسبوع بان تكون الضيفة الاولة للكرسي الاعتراف   2009-05-16, 1:53 am



مساء الورد عزيزتي sad day

كيف حالك ان شاء الله امورك كلها تمام .... تعرفي انتي من الاشخاص اللي نراجي في اسئلتهم ...

نبدو معاك بسم الله ....



ماهو سبب انهاء علاقتك الاولى ؟؟

اكيد فيه مشاكل في اي علاقة ..... لكن للنصيب الدور الاكبر في الموضوع ... والحمد لله ربي عطاني اللي شاف فيه الخير ليا وعطاني على قيس نيتي ....

كيف تعرفتي على زوجك المستقبلي ؟

الحمد لله تعرفت عليه عن طريق الباب ... يعني جى من الباب كلمتني قريبته وقتلي في فلان يبيك رسمي ، فماكان مني الا حكيت لأهلي واستخرت ربي وتسهلت الامور ... والحمد لله كل شي بالاصول .....



ماهي ميولاتك ؟

ميولاتي مش فنية ماليهاش علاقة لا برسم ولا يفن ....

عندي ميول لطبخ انواع معينة من الطعام اكتر من غيرها .....

ونحب نقرا وهوايتي الطباعة ...... بس كان تفكرت حاجة تو نزيدها ولا يهمك .....



ماهي اكتر المواضيع التي تلفت انتباهك ..؟

شدي عندك في منتديات تانية فيها مواضيع دينية مش عادية تروي وتحكي قصص عن الانياء والرسل وتصرفاتهم حاجة روعة اكتر المواضيع اللي تشدني هدي ....

وفي منتدانا العزيز كل المواضيع تلفت انتباهي ونقراها .....



من هم اقرب عشرة اعضاء على قلبك ؟

Hnoon – sad day- fulla rose – devil may cry- too good-

روبن هود 085- قاضي الارقام – السهل الممتنع – فابيو الاهلي – مش عاجبه شي

ممكن نزيد لو سمحتي -jiloo– الزير سالم - hager – النهار الاسود –agdo1yoyoinesta.barca – زيزو- دارينو –الطرابلس –- خلود العكب – الكينج+البرنس- - اكرم – المحارب 14- الفليشة – strong

علرفة اني نسيت هلبه لكن الباقي كلهم الخير والبركة ، لأن ممكن هادو اكتر المشاركين في الردود والمواضيع ....





لو عندك باقة ورد لمن تهديها ؟

لكل اعضاء المنتدى ولي خطيبي طبعا ...



من هو الشخص الذي ندمتي على معرفته ان وجد ؟

زي ماقلتي لااحد اي حد عرفته فيه حاجات حلوة صارت معانا .... ماخلتنيش نندم 100% ... ممكن ندم على موقف هدي صح ...



من هو اكتر شخص يثير اعصابك في حياتك الطبيعية ولو كان في المعهد ؟

اكيد اكيد اكيد مش عمي عطية ،، لن فيه هلبة ناس نعرفهم عمي عطية يركبلهم في الاعصاب درجة اولى .....

في المعهد مافيش حد وفي حياتي العمليه انا مش النوع اللي عصبية هلبة ......



هل تنوي الحصول على وظيفة بعد الزواج ؟؟

ان شاء الله ربي يسهل النية موجودة والباقي بموافقه الزوج ووظيفة كويسة ما تأترش على حوشي مستقبلا ....



ادا اعطيناكي ورقة وقلم وطلبنا منكي ان تكتبي كلمة واحدة فماذا ستكون ؟؟؟

حنستـــــــــــــــــــــــــــــــــــــاحشكـــــــــــــــــــــــــــــــــم



ماهي انواع الافلام المفضلة لديكي ؟؟

كوميدي ورومنسي ....ولو قلتي حددي حنقولك كوميدي ..





لا والله مازوديتها ممكن انتي اول وحدة تسالني اسئلة بسيطة وسهلة هكي وربي يوفقك ان شاء الله ....

وربي ان شاء الله يبعتلك نصيبك على قيس نيتك ....... واكيد انتي من المعزومين على العرس وبطاقتك حتجيك لي ايدك ان شاء الله ....



تحياتي ليك ......
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
lovely girl
ابتدائي
ابتدائي
avatar

عدد الرسائل : 253
العمر : 29
تاريخ التسجيل : 05/04/2008

مُساهمةموضوع: رد: تتشرف الأختــ lovely girl لهذا الاسبوع بان تكون الضيفة الاولة للكرسي الاعتراف   2009-05-16, 1:57 am

مساء الأنوار اخي الزير سالم ....

بالنسبة لسؤالك الاخير



كيف نطيحو في زوجة زيك في المستقبل البعيد جدا ؟؟؟؟

علاش يا وخي البعيد جدا انت رتب امورك وكون روحك واهم شي كمل نص دينك ... وبعدين ساهلة تلقى اللي احسن مني مش اللي زي بس ... والله بنات الناس فيه غير الوقت ظالمهم ...والدنيا هدي معاش تطمن ....
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
jiloo
حضانة
حضانة
avatar

عدد الرسائل : 9
العمر : 29
تاريخ التسجيل : 05/05/2009

مُساهمةموضوع: رد: تتشرف الأختــ lovely girl لهذا الاسبوع بان تكون الضيفة الاولة للكرسي الاعتراف   2009-05-17, 12:14 am



مرحب مرحب بي وخيتي ....
اهو جايبلك كريسي مريح باااش تستريحي عليه(باش ماتقوليش فالح غر يسأل بس) واني شايف ان الاعضاء مش عاااطينك فرصة تستريحي ( علي الاسااس اني عااطيك كخخخخخخكخخخ) .....
علي العموم اهو الكريسي خودي راااحتك عليه وان شااء الله غر يعجبك بس..
(هههههه مسيكنة متسحااابش ان هذا كله تمهيد باااش انجيبولها اسئلة قنينة هلبااا نيهاهاهاهاهاهاها)
انبصر رااه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
fulla.rose
إعدادي
إعدادي
avatar

عدد الرسائل : 322
العمر : 32
تاريخ التسجيل : 17/05/2008

مُساهمةموضوع: الف مبروووك ياحبوبة   2009-05-17, 2:04 am


السلام عليكم
اهلين LOVELY GIRL كيف حالك
الف الف الف مبروك و نتمنالك حياة سعيدة في القفص الدهبي و و فرحتلك هلبة و انشاء الله عقبالهم كلهم والله المنتدى بدونك بدون الوان
و نهديلك هالباقة من الورد

صح اني صاحبتك و وخيتك لكن لازم نسالك هدا كرسي الاعتراف مايرحم حد مع اني مش في بالي :
س1: شن شعورك لما بتنتقلي إلى حياة جديدة بعيدة شوي عن أهلك؟
س2: شن هي الحاجة المميزة في خطيبك و مش موجودة في أي حد ؟
س3 و الأخير لما تبدي في الحياة الجديدة ياترى رح تبق علاقتك بصديقتك FULLA.ROSE زي قبل تشرينات و مسجات...
و انشاء الله ماكنت كترت عليك و صعبتها الاسئلة

_________________


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://WWW.ISLAMWEB.NET
 
تتشرف الأختــ lovely girl لهذا الاسبوع بان تكون الضيفة الاولة للكرسي الاعتراف
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 2انتقل الى الصفحة : 1, 2  الصفحة التالية
 مواضيع مماثلة
-
» معلومات عن ابنك الرضيع
» تحميل المسلسل الدرامى للكبار فقط Secret Diary of a Call Girl الموسم الأول على اكثر من سيرفز
» lovely words

صلاحيات هذا المنتدى:لاتستطيع الرد على المواضيع في هذا المنتدى
طلبة المركز العالي للمهن الادارية والمالية :: منتديات عامة :: ملتقى الطلبة-
انتقل الى: