ترضى ان حد يفتش فى موبيلك؟

موضوع: ترضى ان حد يفتش فى موبيلك؟ 2008-07-26, 8:17 pm

مساء الورد
مش بيقولوا الصراحة راااااااااااااااحة
وأنا بصراحه ...................
لاحظت أن الفئه العمريه "18/25/30سنه
يرفضوووون اي شخص يمد يده او يمسك الموبيل !!"ودائما يقولون متمسكش الموبيل بتاعى"كلمه بسيطه بس لها معاني كثيره "ممكن تفسرونها"

ليه مبترضاش ان حد يمسك موبيلك؟

هل هو حرص؟؟

ولا من زوووود الحب؟؟؟

ولا في شي خطيررر ماتبي احد يشووووفه ؟؟؟

لهالدرجه جوالك خطيييير ماتبي احد يشووووفه ولا يقرا المسجات ولا مايسمع النغمات المنزله باجوالك؟؟طبعا المسجات شي خاص محد يطلع عليه الا باذن منك!!معرووووف بس غيرها

الاسئله كثييييره والتساؤلا ت اكثرحول هذا الموضوع ؟؟
ماردك اخي او اختي؟؟؟

والله يا خوي المبايل شيئ خاص مرات واحد بيحط صور عيلة
وإلا أي شيئ أخر لأن التلفون مرات فيه أرقام خاصة زي أختي أمي عمتي خالتي أو خطيبتي
بالنسبة ليا أني والله ما نشد فيه على حد اللي يجي ياخده ويبدأ يفتش فيه لكن أني فديت و مسحت كل شيئ خليته فاضي
معاش فيه حد قربه ومنور على الموضوع

والله أنا أعتقد إن الموبايل يعكس شخصيتك بشكل من خلال الرسائل المرسلة
فمثلآ لما إنت تكتب لحبيبتك رسالة طبعآ إبداع منك أكيد متحبش حد يعرف عليك كل شيء
لاكن بالنسبة ليا أنا زي الكتاب المفتوح عادي جدآ منشد في شيء وماعنديش أسرار

شكرا علي الردد

والله يا خوي باركة الله فيك على الموضوع المهم هذا

لكن والله انى الموبايل والله ماشديتى على حد
لكن صادفة معاي هلبا مواقف زي الكلام لقلتة

وشكراً

الموبيل ممكن يكون حاجة شخصية ممكن لا حسب الموجود فيه و أني موبيلي نعطي فيه و مندورش و إنخوش المحاضرة و نخلي فيه عند صحابي و حتى لو كان فيه رسائل حب و غرام وهيام لصاحبتي عادي مش مشكلة هدي حاجة مش عيب و لا حرام

I DO NOT WORRY OF MY MOBIL PHON

الموبايل من الاشياء الخاصة من المفروض مش اي شخص ياخذه ويطلع اعليه لاانه ايكون فية حاجة خاصة مثل الرسائل او الصور او الاسماء ..............
اني كنت عادي اي شخص ياخذ ويطلع اعليه اويقعد عنده حتي يوم كامل لكن توا لالالالا لاانه صار موقف خلني امعتش نعطية الي اي شخص ناس معينة فقط

لو كان فى تقة زى زمان مكناش نشدو موبلتنا على اى حد لكن الزمن هدا معاش فيه تقة وصعب توتق فى اى حد
وانى مش مع اللى قال عادى انخليهم ايشوفو رسائل حبيبتى لأنها لازم اتكون هدى الرسائل خاصة بيك انت وحيبتك بس يعنى مشاعركم ملك بعض انت وهيا بس مش اللي ايجى يقرا وشكرا

شكرا علي الردد كلم منطقي

والله بالنسبة ليا لو ما فيشي حاجة خاصة عادي ولو فيه اغلب الناس مدايرة رمز قفل لنقالاتهم وانا منهم فياخدوه مرة اتنين يلقوه مسكر برمز القفل خلاص يتحشمو .....

موضؤع مليح
منور يا خوي

بالنسبة ليا انا ما انشد في مبايلي علي حد لان لا يوجد به اسرار وكان علي الارقام حتي ارقام العائلية او الخاصة كلها اسماء مستعارة متل اسم عمتي نكتب علي اسم راجلها وانحط رقم 2
ومع هذا نتضايق هلبة لما حد ياخد نقالي ويفتشه بغرض التسلية او ما شابه
موضوعك رائع ومشكور